Euskal Herria Museoak “Emakumea eta Euskal Pilota. Mujeres y Pelota Vasca” erakusketa
aurkezten du. Honekin, emakumeak euskal pilotan izan duen presentzia gogoan izan nahi
da eta merezitako omenaldi bat egin bere lanari.
Antzinatik jokatu da pilotan, hainbat jokamoldetan, munduan barrena, eta jokoak Euskal
Herrian lortu du osperik handiena. Sortu zenetik, gizonarekin lotuta egon da eta, hortaz,
pilotalekuak gizonezkoen lekuak izan ohi dira beti. Hala eta guztiz ere, emakumeek ere
hartu dute parte pilota jokoan aspaldidanik, eta, hain zuzen ere, erraketa jokoan
espezializatu ziren eta lortu zituzten lorpen handienak. Erraketista hauek izan ziren
emakumezko kirolarien artean lehen profesionalak.
Erakusketa bost ataletan banatuta dago. Atal bakoitzean tresna eta testigantza
ezberdinen bidez, ahaztutako erraketisten presentzia gogora ekarri nahi da XX. mendeko
Mundu mailako kantxetan.